img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Kepala Distanak Nyerui Peternak Pokus Ke Kesehatan Kerbau Kalang

date_range 12 November 2017 | Oleh : KP.04-Medsi.01
Kepala Distanak Nyerui Peternak Pokus Ke Kesehatan Kerbau Kalang

FOTO Ne hak kerbau kalang atau rawa nya dikembangbiakkan oleh para petani di desa Melintang Kecamatan Muara Wis Kutai Kartanegara.

TENGGARONG –Busu Sumarlan Kepala Dinas Pertanian dan Peternakan (Distanak) Kabupaten Kutai Kartanegara (Kukar) nyerui ke segala bubuhan peternak Kerbau Kalang atau kerbau rawa nya ada di Kecamatan Muara Wis tu upaya mperhatikan kesehatan kerbau nya populasinya wayah ne makin bertambah. “Saya dah melihati langsung peternak kerbau kalang nya ada di Telok Singkil Desa Melintang Kecamatan Muara Wis, nya jumlah populasinya makin betambah. Ne penting beneh ntuk sida peternak upaya njagai ngan mperhatikan kesehatan kerbau kalang sida,” bunyi leh busu Sumarlan, (26/10/2017).

Menurut leh busu tu jua bubuhannya dah nganukan  pertemuan ngan ndiskusikan perkembangbiakan kerbau kalang ke Dinas Peternakan ngan Peternakan Provinsi Kaltim, supaya populasi kerbau kalang nya   ada di wilayah hulu Mahakam tu dijadikan contoh pengembangan atau semacam plasma kerbau kalang. “Kemukaknya pengembangan kerbau kalang atau rawa ne sorang bisa dijadikan odah wisata pertanian ngan pengetahuan pengembangbiakan kerbau kalang,” ujenya.

Mandiknya tu maha, sida peternak jua harus mperhatikan iklim cuaca nya manik nentu, nya mpengaruhi ngkan kesehatan kerbau, paling mandik sediakan memang makannaya. “Potensi kerbau kalang atau rawa ne bujur bujur njanjikan beneh, makanya perlu jua diperhatikan pakan ternak atau jua maupun di segi kesehatan, supaya kondisi kesehatan kerbau kalang ne tetap tejaga ngan baik,”. Bunyi leh busu Sumarlani. (KP.04-Medsi01)