img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Polsek Ngingatikan Supaya Ngawasi Pergaulan Anak

date_range 16 Agustus 2017 | Oleh : KP.04-Medsi01
Polsek Ngingatikan Supaya Ngawasi Pergaulan Anak

FOTO Polsek Loa Kulu mlalui Kanit Bimmas busu Ipda Widadi ngingatkan ke sida masyarakat supaya njaga ketertiban ngan keamanan desa.

TENGGARONG – Polsek Kecamatan Loa Kulu Kabupaten Kutai Kartanegara (Kukar) melalui Kanit Bimmas Ipda busu Widadi ngingatikan sekalian nghimbau ke sida masyarakat terutama ntuk sida urang tuha supaya terus ngawasi anak-anaknya supaya mandik tesangkut bahaya Narkoba. “Ayok besama-sama jaga ngan Ngawasi anak etam supaya njaohi narkoba, pabila ada informasi ngenai narkoba atau jua psikotropika silahkan dilaporkan,” bunyi leh busu Ipda Widadi pas habis nghadiri Berseh Desa pasnya di Balai Dusun RT 5 dan 6 Desa Loh Sumber Kecamatan Loa Kulu, Sabtu (12/8/2017). 

Busu Ipda Widadi jua mbawak’i ke segala sida masyarakat setempat supaya tetap njaga keamanan ngan ketertiban nya dah bejalan ngan baik, ngan jua terus waspada ngenai ajaran nya besifat mecah belah kehidupan bebangsa ngan benegara, jua waspadai fahamradikal nya makin rame wayah ne ini. “Jangan endak tetipu ngan short message service (sms) nya njanjikan hadiah tegak pitis nya mandik bisa dipertanggung jawabkan. Pabila nerima hal nya tegak tu supaya masyarakat abaikan ja,” bunyinya.

Amun Kades Loh Sumber busu Suprayitno ngapresiasi ngkan himbauan Polsek Loa Kulu nya jua nurunkan anggotanya supaya umpat bepartisipasi besama masyarakat besama-sama gotong royong dalam beberseh-berseh desa. “Terima kaseh ngkan partisipasinya, gotong royong dah njadi tradisi dari leluhur etam supaya saling tulung menulung sesama warga, ngan jua tetap njaga adat istiadat nya secara turun temurun dimasyarakat Desa Loh Sumber,” ujenya. 

Lumpat datang dikegiatan berseh desa Kasi Kesra Loa busu Kulu Sofyan, Ketua Asosiasi Pengusaha Tambang Loa Kulu busu Sonhadi, Ketua Ekapakarti busu Sujayoko, Bhabinsa Serda busu Parjan, Bhabinkmtimas busu Aiptu Wiji Santoso, ngan jua sida mahasiswa KKN dari Unmul ngan  Unikarta. (KP.04-Medsi01)

 

BERITA Lainnya