img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Keresahan PGRI Loa Janan Ngenai TPP

date_range 16 Agustus 2017 | Oleh : KP.04-Medsi01
Keresahan PGRI Loa Janan Ngenai TPP

FOTO Sekda Kukar pas mberikan penjelasan ke sida guru nya ada di kecamatan Loa Janan.

TENGGARONG - Berhembusnya kabar ngenai adanya pengurangan, sgala ditiadakannya lagi Tambahan Penghasilan Pegawai (TPP) ntuk Aparatur Sipil Negara (ASN) molah ratusan guru, tenaga pendidik nya tegabung dalam PGRI Kecamatan Loa Janan gelisah ngan jua mintak ke Pemkab Kutai Kartanegara supaya TPP tetap dipertahankan. 

"Kami PGRI Loa Janan mohon ke Pemkab Kukar supaya TPP tetap dipertahankan, ngan mudah-mudahan apa nya dah kami terima sebelumnya sama ngan mandik dikurangi," bunyi Ketua PGRI Loa Janan busu Nurdin, S.Pd dihadapan Sekda Kukar busu H Marli besama ngan Anggota DPRD Kukar busu Hamdiah, pas nghadiri Halal Bi Halal PGRI Loa Janan, Kamis (10/8/2017). 

Menurut leh busu Nurdin, jumlah guru ngan tenaga pendidik nya dah ndapatikan TPP baik ASN atau jua Non ASN bejumlah 837 urang. "Momen halal bi halal ne kami nitip pesan supaya TPP ne tetap dipertahankan," pintaknya. Nanggapi keresahan tu, busu Marli negasikan lamun sampai wayah ne TPP maseh ada. "Para guru nya ada di Loa Janan, saya sampaikan TPP masih ada, pembayarannya maha maseh ditunda karna belum adanya dana transfer dari pusat," bunyi busu Marli. 

Diakui leh su Marli, kondisi keuangan daerah sama ngan daerah lain di Indonesia nya ngalami defisit anggaran. Tapi biarnya tegak tu pemkab Kukar terus beusaha ngan bejuang nageh dana bagi hasel, supaya secepatnya ditransfer ke daerah.  

"wayah ne  Tim Pemkab Kukar lagi bejuang ngan nganuikan lobi-lobi di pusat supaya dana bagi hasel etam segera dicairkan dan ditransfer ke daerah. Mari kita berdoa bersama-sama, secepatnya dana tu ditransfer ke daerah," ujenya njelaskan, (KP.04-Medsi01)

 

 

BERITA Lainnya