img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

TMTH Di Kantor Camat Loa Janan

date_range 16 Agustus 2017 | Oleh : KP.04-Medsi01
TMTH Di Kantor Camat Loa Janan

FOTO Sekda Kukar busu H Marli didengani Camat Loa Janan busu Muhajia pas ninjau TMTH.

TENGGARONG - Pelayanan di Kantor Camat Loa Janan Kabupaten Kutai Kartanegara (Kukar) terus ditingkatkan, segala rancak naiknya kunjungan masyarakat ngurus bemacam keperluan, wayahne dimanjakan ngan suasana nya lebeh nyaman ngan tesedianya Taman Mini Terbuka Hijau (TMTH) nya bisa dipakai jadi odah besantai sambil nunggu proses pelayanan dah pupus. 

Ngkan adanya TMTH tu jua dirasakan Sekda Kukar busu H Marli pas sida  melihati langsung pelayanan kantor Camat Loa Janan habis nghadiri Halal Bi Halal besama PGRI Loa Janan, Kamis (10/8/2017). Sambil bejalan ngan nyalami sida pegawai, busu Marli nya didengani Camat Loa Janan busu  Muhaji mlihat kondisi ruang kerja, pelayanan kantor camat hingga TMTH nya dah tesedia ngan dilengkapi ngan akuarium nambah keindahan taman. "ne bujur-bujur baik , ngan jua bisa dicontoh ntuk kecamatan lainnya ngan nyediakan TMTH, supaya sida masyarakat nya nunggu proses layanan mandik jenuh, " bunyi leh busu tu jua. 

Sementara itu Camat Loa Janan busu Muhaji ngucapkan terima kaseh atas kedatangan Sekda Kukar di Kantor Camat Loa Janan. "Terima kaseh pak Sekda (Marli-red) ngkan kedatangannya, moga ja pelayanan nya kami berikan ke sida masyarakat bisa terus ningkat," uje Muhaji nya baru 8 (delapan) bulan njabat sebagai Camat Loa Janan. (KP.04-Medsi01) 

 

BERITA Lainnya