img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Busu Marli Nberikan Tulungan Ke Desa Badak Mekar

date_range 16 Agustus 2017 | Oleh : KP.04-Medsi05
Busu Marli Nberikan Tulungan Ke Desa Badak Mekar

FOTO Sekda Kukar busu H. Marli mberikan tulungan ke korban ketunuan.

TENGGARONG – Busu H Marli  Sekretaris Daerah Kabupaten Kutai Kartanegara (Kukar) ninjau lokasi sekalian jua sida mberikan tulungan ntuk sida nya kena ketunuan di Desa Badak Mekar Kecamatan Muara Badak, Jumat (4/8). Tulungannya beasal dari sida PKPB Kukar tu tegak sembako, selimut, pakaian layak pakai, ngan tas sekolah. Bantuan berasal dari PKPB kukar. 

Umpat jua datang di kegiatan tu Staf Ahli Bupati busu H Heldiansyah, Asisten II busu H Sukhrawardy, Kepala Pemadam Kebakaran ngan Penanggulangan Bencana (PKPB) Kukar busu Marsidik, Kabag Hukum Purnomo, ngan Kabag Pembangunan Hamly.  Busu Marli di kesempatan tu mintak ke sida pemangku kepentingan di Kecamatan Muara Badak ngan jua segala warga supaya terus ningkatikan kewaspadaannya ngkan bahayanya ketunuan, paling mandik ngan hubungan arus pendak listrik. 

“Besama saling njaga lingkungan,  supaya kejadian nya sama bisa dicegah ngan mandik teulang balik,” bunyi leh busu tu jua.

Nya jua umpat beduka cita ngan bebela sungkawa ngkan musibah nya dah ngenai ke 2 kepala keluarga (KK) ngan 4 urang jiwa nya dah kehilangna odah bediam tu. Nya jua beharap ke bubuhan nya kena ketunuan tu supaya diberikan ketabahan ngan bisa ngalak hikmah dibalik kejadian tu. Ntuk ditahui ketunuan tu tejadi pas Tanggal 24 Juli  2017 lalu, akibatnya dua buting rumah rata ngan tanah. (KP.04-Medsi05)

 

Terkait

BERITA Lainnya