img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Dinas PU Harus Tanggap Ngkan Perbaikan Infrastruktur

date_range 09 Agustus 2017 | Oleh : KP.04-Medsi01
Dinas PU Harus Tanggap Ngkan Perbaikan Infrastruktur

FOTO Sekda Kukar busu H Marli pas mimpin apel hambat dilingkungan Dinas PU Kukar. (jpg)

TENGGARONG – Busu H Marli Sekretaris Daerah Kabupaten Kutai Kartanegara (Kukar) mintak ke sida jajaran Dinas Pekerjaan Umum (DPU) Kukar mun peka ngkan keluhan masyarakat, terutama nya ngenai infrastruktur jalan. Menurutnya di Kukar ne maseh banyak infrastruktur jalan nya rusak belobang, makanya merlukan perhatian serius dari pemerintah khususnya PU Kukar. 

"Saya mintak ke sida jajaran Dinas PU supaya tanggap nyikapi permasalahan infrastruktur jalan, mandiknya di kecamatan maha, tapi jua nya ada di Desa, lamun ada jalan nya dah rusak behancapan di carikan solusinya supaya dibai’i, supaya aktivitas sida ne lancar," uje leh busu Marli pas sida mimpin apel hambat di lingkungan Dinas PU Kukar, Senen (7/8/2017).

Busu Marli ngakui, mun kondisi keuangan pemerintah daerah nya lagi ngalami defisit anggaran, supaya mandikda dijadikan hambatan dalam bekerja. Menurutnya banyak cara ntuk ngatasinya, salah satunya tu ngan nggandeng sida pihak dunia usaha peduli lingkungan ngan infrastruktur jalan. Nya jua yakin ngkan jalinan koordinasi nya baik besama dunia usaha, bisa diarahkan umpat embangun ngan mbaik’i jalan, terutama  lewat dana Corporate Social Responsibility (CSR). “Pembangunan ne mandiknya mesti dikerjaikan leh sida pemerintah maha, tapi peran dunia usaha bujur-bujur diperlukan jua besama-sama embangun daerah," bunyinya. 

Sida busutu jua mintak ke Dinas PU supaya mandik mbeda-bedakan perbaikan infrastruktur jalan,tapi jua pembangunan jalan ne harus merata ngan adil supaya dirasakan manfaatnya leh sida masyarakat. "Jangan sampai mbeda-bedakan persoalan infrastruktur jalan, harus adil ngan ne jadi perhatian ntuk etam segalanya," bunyi leh busu Marli njelaskan. (KP.04-Medsi01)