img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Training ESQ Diberikan Ke Ribuan Guru Ngan Pengawas

date_range 18 Juli 2017 | Oleh : KP.04-Medsi01
Training ESQ Diberikan Ke Ribuan Guru Ngan Pengawas

FOTO Plt Kadisdikbud busu Hifsi G Fahrannas pas habis mbukak sosialisasi PKB di Aula Disdikbud Kukar.

TENGGARONG - 13 ribu guru ngan Pengawas Sekolah nya ada di Kabupaten Kutai Kartanegara (Kukar) endak diberikan Training Emotional Spiritual Quotient (ESQ) nya rencananya tu kendia endak belangsung diwaktu parak ne ngan gratis. “ Ne yahak gagasan sekaligus tawaran nya diberikan leh sida DPRD Kukar ntuk mberikan training ESQ ke segala sida guru ngan jua sida pengawas sekolah sama-sama ngan busu Ari Ginanjar," uje leh busu Plt Kadisdikbud Hifsi G Fahrannas pas habis mbukak  sosialisasi PKB di Aula Disdikbud Kukar, Selasa kemai (11/7/2017). 

Menurut leh busu Hifsi, kegiatan ESQ ne sorang maseh dikoordinasikan ngenai odah ngan lokasi pelaksanaannya.  "Maseh kami kesahkan, baik nya tu lokasi ngan odah kegiatannya tu, karna ne endak nampung ribuan sida guru ngan pengawas sekolah," bunyinya. Busu Hifsi beharap ngan ada ESQ ne  bisa mberikan dampak nya positif ntuk daerah paling mandik ntuk sida guru ngan sida pengawas sekolah dalam nerapkan apa nya dah didapat pas ngumpati training ESQ kendia.  

"Mudah-mudahan training ESQ ne mberikan dampak nya positif ntuk peningkatan kualitas pendidikan nya dibayai ngan terobosan ngan inovasi penggambungan antara pengendalian kecerdasan emosi ngan spiritual temasok transformasi karekter," bunyi leh busu Hifsi njelaskan (KP.04-Medsi01).