Bagian Protokol & Komunikasi Publik

Pemerintah Kabupaten Kutai Kartanegara

Berita

Busu Edi Mbukak Diklat Prajabatan CPNSD Kategori 2

date_range 17 Mei 2017 | Oleh : KP.04- Medsi02
Busu Edi Mbukak Diklat Prajabatan CPNSD Kategori 2

FOTO Wakil Bupati Kukar busu Edi Damansyah ngalongkan tanda peserta (jpg)

TENGGARONG – Busu Edi Damansyah Wakil Bupati Kutai Kartanegara (Kukar) mbukak Diklat Prajabatan CPNSD Formasi Kategori 2 Golongan I,II ngan III Kelas Pemerintah Kabupaten Kutai Kartanegara Angkatan ke-I ngan II Tahun 2017 di BPSDM Provinsi Kaltim, Senen (15/5). Diklat Prajabatan CPNSD Formasi Kategori 2 ne diumpati leh 48 CPNS Kabupaten Kutai Kartanegara ngan 24 CPNS Provinsi Kaltim, ngan dikerjaikan selawasan 7 harian tulak Tanggal 15 s/d 21 Mei 2017. 

Nya datang di acara tu sida Asisten III Administrasi Umum Provinsi Kaltim busu H Bere Ali, Kepala BPSDM Prov Kaltim busu HM Yadi Robyan Noor, Asisten III Administrasi Umum Setkab Kukar busu Suriansyah Nawawi, Tokoh Masyarakat busu Sahrial Setia. Busu Edi Damansyah di sambutannya nyebut mun Pendidikan ngan Pelatihan Aparatur Sipil Negara ne yahak unsur pertama ningkatikan Sumber Daya Manusia Aparatur nya berempu peranan nya bujur-bujur strategis dalam nentukan keberhaselan penyelenggaraan Pemerintahan ngan Pembangunan. 

Sorang ASN dimintaknya sanggup mainkan peranannya di masyarakat, ngan wujudkan sikap jua paelan ASN nya beintegritas, berempu pola pikir, ngan budaya kerja, supaya sanggup bekerja ngkan  profesional ngan sadar ngkan tanggung jawabnya  sebagai pelayan publik, mandiknya dilayani publik, ngan jua sanggup nganukan  perubahan. “Tuntutan masyarakat ke peningkatan pelayanan publik baiknya tu disikapi leh sida ASN ngan terus embangun pola fikir, besikap ngan bepaelan professional ngan bewawasan global. ASN dituntut kesiapan dankesigapan pelayanan publik nya profesional, betanggung jawab ngan transparan,” bunyi leh busu Edi. 

Busu tu jua bepesan ngumpati diklat prajabat PNS ne bisa  ningkatikan profesionalisme ngan kompetensi sebagai Aparatur Sipil Negara. Ngan terus meliharan dedikasi, integritas, ngan loyalitas nya tinggi dalam ngerjaikan tugas. Busu tu jua beharap supaya sida peserta diklat ne jadi ASN nya peduli karna wayah ne banyak ASN nya pintar ngan bekompetensi tapi mandik mau peduli ngan lingkungan sekitarnya. Ngan jua bisa ngerjaikan tugasnya pengabdian ngan penoh tanggungjawab, ngan mandik ngecewakan  rakyat, yahak bekerja ngan sepenoh hati. “Saya beharap bubuhan sida peserta ne bisa ngherjaikan tugas ngan pengabdian jadi bagian dari ibadah ke Tuhan yang Maha Kuasa,” bunyi leh busu Edi Damansyah. (KP.04- Medsi02)

 

BERITA Lainnya