img
img
img
FLASHNEWS:

Satgas Saber Pungli Ngadakan Sosialisasi Satuan Tugas Sapu Bersih Pungutan Liar Di Kukar

Satgas Saber Pungli  Ngadakan Sosialisasi Satuan Tugas Sapu Bersih Pungutan Liar Di Kukar
SABERPUNGLI :Staf Ahli II Bupati Kukar Bidang Perekonomian dan Pembangunanbusu Heldianyah pas mbacakan sambutan Bupati Kukar.

TENGGARONG – Sida Satuan Tugas Sapu Bersih Pungutan Liar (Satgas Saber Pungli) Kabupaten Kukar ngadakan Sosialisasi Satuan Tugas Sapu Bersih Pungutan Liar Kabupaten Kukar di Pendopo Wakil Bupati, Rabu (12/4). Ntuk mberikan pemahaman sekalian ngingatikan ke segala Organisasi Perangkat Daerah (OPD) Kutai Kartanegara (Kukar) ngenai akibat praktik munguti liar nya dah nimbulkan keresahan nya ada di masyarakat, ketidakadilan, ngan kecurangan dalam pelayanan publik.

Wakil Ketua Satgas Pungli Kukar busu HM Irfan Prananta nyebut sesuai ngan Peraturan Presiden No 87 Tahun 2016 ngenai Satgas Saber Pungli, maka Menteri Dalam Negeri Tanggal 24 Oktober 2016 waktu lalu ngeluarkan intruksi No 180/3935/SJ Tahun 2016 nya ditujukan ke kepala daerah ntuk ningkatikan pembinaan ngan pengawasan ke penyelenggaraan pemerintahan daerah nya berempu resiko pungutan liar,ngan jua nganukan sosialisasi beterusa ke sida masyarakat tegak masang spanduk bebas pungli ke segala unit kerja nya ngerjaikan pelayanan.

“Sosialisasi hari ne yahak nerusikan kesah intruksi Mendagri endak ningkatkan pembinaan ngan pengawasan ke penyelenggaraan pemerintahan daerah nya berempu resiko munguti liar,” bunyi leh busu Irfan. 

Bupati Kukar di sambutan tetulisnya dibacakan leh Staf Ahli II Bupati Kukar Bidang  Perekonomian ngan Pembangunan busu Heldianyah beharap supaya sida Satgas Saber Pungli Kukar ne bisa njalankan tugasnya ngan baik ng jua bisa besinergi ngan sida pemerintah daerah dalam pembangunan nya dah bejalan wayah ne.

Menurut nya jua pungutan liar/pungli ne yahk paelan nya dipolah leh urang atau pegawai negeri atau pejabat negara ngan cara mintak bayaran nya mandik sesuai atau mandik bedasarkan peraturan nya dah belaku. Hal ne sama maha ngan paelan nya di sebut jua ngan pemerasan, penipuan atau korupsi. Tingginya tingkat mandik pastinya pelayanan nya molah akibat ngan adanya prosedur pelayanan nya panjang nya molah lelah, ne jadi penyebabnya karna sangking banyak sida masyarakat nya nyerah pas behadapan ngan pelayanan publik nya korupsi. Nya tegak ne nya molah faktor penyebab masyarakat jadi cenderung makin toleran ngan akhirnya njadi tebiasa ngan  praktek pungutan liar di penyelenggaraan pelayanan publik.

Ntuk Kukar sorang, pemberantasan pungli ne dah mulai dianukan tulak dikukuhkannnya Tim Satgas Saber Pungli Kutai Kartanegara di tanggal 16 Desember 2016 lalu. Ngan ngan tebentuknya sida Tim Satgas Saber Pungli Kutai Kartanegara, Bupati Kukar bujur bujur beharap beneh ngan sida tim nya sanggup mberantas ngan nindak pelaku pungutan liar sampai keakar-akarnya, supaya mandikda lagi aparatur nya berani ngerjaikan pungutan liar tu. (KP.04-Medsi02)

 

 

Radio FM 100.6 MHz RPK Kukar
VideoIndex
  •  
No. Telepon Penting
  • Sekretariat Daerah (0541) 662088
  • Polres (0541) 661410
  • Operator PDAM (0541) 661002
  • RS Parikesit (0541) 666373
      (0541) 661118
  • RSU Samboja (0542) 460225
      (0542) 460226
  • Kantor PMK (0541) 661009
  • Telkom (0541) 661117
  • PLN (0541) 661365
  • Call Centre Gerbang
    Raja (0541) 6669000   
img img img