Bagian Protokol & Komunikasi Publik

Pemerintah Kabupaten Kutai Kartanegara

Berita

Gerakan Pramuka Kecamatan Muara Muntai Di Bukak Wabup Kukar

date_range 18 April 2017 | Oleh : KP.04-Medsi06
Gerakan Pramuka Kecamatan Muara Muntai Di Bukak Wabup Kukar

FOTO Wakil bupati busu Edi Damansyah nyampaikan sambutan sekalian mbukak raker kwartir ranting (Kwaran) gerakan pramuka Kecamatan Muara Muntai

1.2. Wakil bupati busu Edi Damansyah nyampaikan sambutan sekalian mbukak raker kwartir ranting (Kwaran) gerakan pramuka Kecamatan Muara Muntai

Gerakan Pramuka Kecamatan Muara Muntai Di Bukak Wabup Kukar

TENGGARONG - Busu Edi Damansyah Wakil Bupati Kutai Kartanegara (Kukar) Mbukak rapat kerja (raker) Kwartir Ranting (Kwaran) Gerakan Pramuka Kecamatan Muara Muntai di SMPN 001 Muara Muntai, Sabtu (15/4) kemai.

Di acara tu busu Edi Ngapresiasi ke sida Majelis Pembimbing Ranting (Mabiran) ngan Kwaran Gerakan Pramuka Kecamatan Muara Muntai nya dah ngabdikan dirinya ngan bekerjasama embangun pramuka.“Ngkan dasar kerjasama nya dah tejalin selawasan ne,  di Tahun 2014 ngan 2016 etam dah ndapatikan panji penghargaan pramuka kwarcab tergiat se Kaltim,”bunyinya leh busu Edi yang jua Ketua Kwartir Cabang Gerakan Pramuka Kabupaten Kukar.

Sida jua bepesan ke mabiran ngan kwaran di Kecamatan Muara Muntai, supaya ningkatikan kerjasamanya dalam meujudkan kwaran tergiat tegak nya dah di dapati leh sida Kecamatan Muara Badak tu.“Segalanya bisa tecapai, pabila segala stake holder di Kecamatan Muara Muntai ne bisa saling bekerjasama,”ujenya.

Bunyinya lagi di catatan evaluasi perkembangan gerakan pramuka di Kwartir Cabang Gerakan Pramuka Kukar 2016, nya rajin di kwaran gerakan pramuka, Kecamatan Muara Muntai ada diposisi peringkat ke 7 dari 18 kecamatan.“Saya mintak komitmen besama dalam majukan pramuka, rumuskan  program kerja kwaran kehadap, sesuai ngan slogan nasional pramuka, keren gembira ngan asyik,” ujenya leh busu tu jua..

Menurutnya leh sida Pemerintah Kukar jua supaya terus ndukung gerakan pramuka, karna pramuka ne yahak salah satu komponen nya bemitra ngan pemerintah, ntuk pembinaan generasi muda. “Setiap struktural Organisasi Perangkat Daerah (OPD), dah tebentuk di bidang kepramukaan ne  nunjukan tegakmana dukungan sida pemerintah ntuk perkembangan kepramukaan, “bunyinya.

Amun Ketua Mabiran Gerakan Pramuka Kecamatan Muara Muntai busu HM Dahlan nyebut pas dah habis raker ne dilaksanakan, sida endak secepatnya ndatangi sekolah–sekolah se Kecamatan Muara Muntai ntuk nsosialisasikan baju pramuka nya lengkap ngan atributnya.”Kami endak ndatangi ke segala sekolah-sekolahan, endak nsosialisasikan tegakmana baju pramuka nya lengkap, karna kegiatan pramuka ne yahak kegiatan ekstrakulikuler nya harus ada disetiap sekolah,baju nya lengkap yahak odahnya jati diri etam jadi anggota pramuka,”ujenya.(KP.04-Medsi06)

 

BERITA Lainnya