img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Pramuka MAN 2 Kukar Balik Ndapatikan Prestasi

date_range 31 Maret 2017 | Oleh : KP.04-medsi01
Pramuka MAN 2 Kukar Balik Ndapatikan Prestasi

FOTO

TENGGARONG – Sida Tim Pramuka MAN 2 Kukar balik ndapatikan prestasi, nya kali ne ndapatikan Juara harapan I Tim Putri ngan Juara Kontingan Terexis di Lomba Lintas Alam tingkat Provinsi Kalimantan Timur (Kaltim) nya diselenggarakan leh Institut Agama Islam Negeri (IAIN) Samarinda di rangka Hari Hutan se-Dunia, Sabtu kemai (25/3) di kampus IAIN Samarinda Seberang. 

Acaratu diumpati leh pelajar SMA/SMK/Sederajat se-Kaltim, MAN 2 Kutai Kartanegara ngirimkan 2 (dua) tim tegak tim laki ngan tim bini nya dibina leh busu Jerry Hendrawan, embok Anasta Nisa Minarni,busu  Sayuti Salam,busu Adin Ardiansyah ngan busu Zulniawansyah. Sida MAN 2 Kukar ne umapat di acara tu sekalian mewakili madrasah di Kukar ngan satu-satunya dari madrasah nya bepartisipasi di lomba tu.  

Wakil Kepala Kesiswaan MAN 2 Kukar embok Ummy Puji Astutik, nyebut umpatnya sida tim MAN 2 Kukar di lomba lintas alam ne ntuk ningkatikan penghayatan ngan pengembangan supaya mupuk rasa kecintaan ke alam semesta, ngan jua ke lingkungan hidup ntuk nyelidiki kelestarian ngan greceknya  alam. "selain tu jua mpelajari secara ilmiah apa nya tekandong di dalamnya, ngan mupuk rasa persatuan ngan kesatuan antara pelajar khususnya ntuk sida anggota pramuka nya ada di Kaltim," ujenya.  

kegiatan ne jua embangun jiwa sportifitas ngan mpererat tali persaudaraan diantara sida peserta, jua dapat ningkatikan disiplin sida anggota pramuka. " sida Tim pramuka MAN 2 Kukar dah lawas nyiapkan diri endak ngumpati lomba ne, ngan Alhamdulilah perjuangan ngan kerja keras sida tim ngan pembina mbuahkan hasel," bunyinya embok Ummy jua. 

"Saya beharap sida tim pramuka ne supaya tetap terus belatih ngan nyiapkan diri sida ntuk lomba lintas alam berikutnya, supaya ndapatikan prestasi nya lebeh baik lagi,” harapnya. 

Busu samuri selaku Kepala MAN 2 nyebut, mun nya bangga ngkan prestasi nya didapati leh siswa-siswinya di tim pramuka. “ ne yahak prestasi nya bujur-bujur mbanggakan ngan mbuktikan lamun sida  tim pramuka MAN 2 Kukar ne sanggup beprestasi di tingkat provinsi. Saya ngucapkan terima kaseh ngan kerja keras sida siswa ngan pembina nya dah mandik ngenal lelah ntuk belatih sampai-sampai ndapatikan juara, saya jua beharap prestasi ne bisa terus ditingkatikan, semangat ngan motivasi supaya sanggup ndapatikan prestasi nya lebeh baik lagi," ujenya. (KP.04-medsi01)

 

BERITA Lainnya