img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

162 Urang Pegawai Dishub Tes Urine

date_range 31 Maret 2017 | Oleh : KP.04-medsi01
162 Urang Pegawai Dishub Tes Urine

FOTO

TENGGARONG - Ada 162 urang pegawai Dinas Perhubungan (Dishub) Kabupaten Kutai Kartanegara (Kukar) tes urine, kegiatan tes urine tu kerjasama sida Dishub Kukar ngan Badan Narkotika Kabupaten (BNK), Rabu hambat kemai(29/3). Plh Dishub Kukar embok Hj Ismi Nurul Huda nyebut mun tes urine nya dipolah sida tu iyahak nerusikan tes urine ntuk sida staf Dishub hariantu, karna di tes urine nya pertama maseh ada staf Dishub nya behalangan mandik bisa datang ke tes urine.  

"Sebelumnya ada 250 urang nya dah nganukan tes urine nya ngan hari ne belanjut 162 urang, baik nya pegawai di kabupaten atau jua nya ada di kecamatan. Kegiatan hari ne iyahak komitmen kami dalam upaya ndukung ncegahan bahaya narkoba di Kukar," uje embok tu jua. 

Nya jua beharap ngan tes urine nya dikerjainya segala pegawai Dishub ne yahak langkah pencegahan ngkan bahaya narkoba. "Mudah-mudahan ja ngkan tes urine kedua ne mandik da pegawai nya terindikasi makai narkoba," harapnya. Waktu di hasel tes urine gelombang nya pertama, bunyi leh embok Ismi ne ada 7 urang nya diindikasikan positif,  tapi tu gin belum pasti pemakai ngan perlu dipolahkan assesment lebeh lanjut. "etam maseh nunggu hasel assesmentnya. Lamunnya haselnya memang positif makai narkoba, ntuk mekanisme etam endak bekerjasama ngan Badan Kepegawaian Daerah (BKD) supaya nganukan pembinaan lebeh lanjut," ujenya.(KP.04-medsi01)

 

 

BERITA Lainnya