img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Pelantikan Ketua KKB Kukar Di Lantik KKB Prov Kaltim

date_range 31 Maret 2017 | Oleh : KP.04- Medsi08
Pelantikan Ketua KKB Kukar Di Lantik KKB Prov Kaltim

FOTO

TENGGARONG - Ketua Umum Kerukunan Keluarga Bakumpai (KKB) Provinsi Kaltim busu H Asli Nuryadin melantik kepengurusan KKB Kutai Kartanegara (Kukar) Periode 2017 – 2022 di gedung Caesar Futsal Center Tenggarong, Sabtu kemai(25/03). Ketua nya tepilih KKB Kukar embok Hj Aida Mediana Bachtiar. Embok Hj Aida Mediana Bachtiar nyebut amun nya ngan bubuhan jajaran KKB Kukar kendia tu endak bekerja ngan sekuat tenaga ntuk ngembangkan potensi nya diempui leh suku Bakumpai nya ada di Kukar. "Terimakaseh atas kepercayaan nya diberikan ke kami, ngan kami siap majukan KKB dibumi Kukar," Uje busu Hj Aida. 

Busu Hj Aida jua nyebut KKB Kukar kehadapnya ne beperan aktif dalam nyukseskan pembangunan Kukar disegala bidang, salah satunya tu dibidang keparwisataan,ngan ngumpati ngan meramekan di kegiatan Erau Adat Kutai dan International Forlk art Festival 2017. "KKB Kukar siap jadi salah satu element nya kendia tu ndukung pembangunan Kukar di segala bidang, " bunyinya embok tu jua. 

Sementara tu, Bupati Kukar embok Rita Widyasari di sambutan sida nya di bacakan leh Staf Ahli Bupati busu H Heldiansyah nyebut keberadaan KKB Kukar bujur strategis, terutama dalam ningkatkan kualitas ngan kesadaran sida masyarakat, khususnya suku Bakumpai ntuk umpat jua di pembangunan di Kukar.  

Nya jua mintak KKB Kukar bisa njalin silaturahmi ngan keakraban antar sesama warga masyarakat nya ada di Kukar, mandik harus memandang perbedaan suku, agama, maupun golongan, sehingga tercipta suasana nya aman, rukun, ngan jua damai di wilayah Kabupaten Kukar. Makanya hak tu nya jua beharap kemajemukan etnis bisa mpererat persatuan ngan kesatuan bangsa, (KP.04- Medsi08).

 

BERITA Lainnya