img
img

Bagian Protokol & Komunikasi Publik

Pemerintah Kabupaten Kutai Kartanegara

Berita

Busu Edi Memimpin apel di SMA Negeri I Kembang Janggut

date_range 27 Februari 2017 | Oleh : KP-04-mesi01
Busu Edi Memimpin apel di SMA Negeri I Kembang Janggut

FOTO Busu Edi Memimpin apel di SMA Negeri I Kembang Janggut.

TENGGARONG - Wakil Bupati Kukar busu Edi Damansyah betindak jadi pembina upacara apel di SMA Negeri I Kecamatan Kembang Janggut, Senen (27/2/2017).

Di kesempatan tu jua, busu  Edi Damansyah mberikan apresiasi  ke segala sida SMA Negeri I Kembang Janggut nya dah njalankan proses belajar mengajar ngan baik.

"Saya melihat proses belajar ngajar di SMA Negeri I Kembang Janggut ne dah bejalan ngan baik. Pastinya hak ne harus terus dipertahankan, mandiknya di segi prestasi akademik maha tapi jua non akademik jua harus ditingkatkan," ujenya.

Busu Edi Damansyah jua beharap, Kepala sekolah ngan segala bubuhan sida guru supaya bujur-bujur njalankan tugas ngan bertanggungjawab ke pembinaan pendidikan.

"Saya mintak segalanya harus begandengan tangan, saling ndukung mberikan pelayanan tebaik ke kanak didik,  ngan terushak di  tingkatkan kompetensi masing-masing," pintak leh busu tu jua.

mandiknya tu maha, Busu  Edi jua bepesan ke segala  sida siswa-siswi supaya terus belajar ngan tetap semangat dalam nimba ilmu pengetahuan.

"Saya beharap apa nya dah kita capai tu harus terus ditingkatkan, semangat belajar, disiplin ngan perdalam ilmu pengetahuan agama sebagai benteng dalam nghadapi era globalisasi wayah ne,". Ujenya lagi. (KP-04-mesi01)

 

 

BERITA Lainnya